Rabbie Burns - Green Grow The Rashes

poems and songs collection.

Weird Web Sites 

Robert Burns  Collection

Return to Weird Websites

Weird eBay
Cheap Posters
Marry an Ugly Millionaire
Funny Jokes Online
Bizarre Webcam
Ghost Pictures
notMENSA society for the stupid

Green Grow The Rashes


Chor. - Green grow the rashes, O;

Green grow the rashes, O;

The sweetest hours that e'er I spend,

Are spent amang the lasses, O.


There's nought but care on ev'ry han',

In ev'ry hour that passes, O:

What signifies the life o' man,

An' 'twere na for the lasses, O.

Green grow, &c.


The war'ly race may riches chase,

An' riches still may fly them, O;

An' tho' at last they catch them fast,

Their hearts can ne'er enjoy them, O.

Green grow, &c.


But gie me a cannie hour at e'en,

My arms about my dearie, O;

An' war'ly cares, an' war'ly men,

May a' gae tapsalteerie, O!

Green grow, &c.


For you sae douce, ye sneer at this;

Ye're nought but senseless asses, O:

The wisest man the warl' e'er saw,

He dearly lov'd the lasses, O.

Green grow, &c.


Auld Nature swears, the lovely dears

Her noblest work she classes, O:

Her prentice han' she try'd on man,

An' then she made the lasses, O.

Green grow, &c. 




Return to Weird Websites for more robert burns' poetry.